9:08 PM მექსიკამ და ჩიჩარიტომ ოქროს თასი მოიგეს | |
 აშშ-ში კალიფორნიის შტატში დასრულებულ კონკაკაფის "ოქროს თასზე" მექსიკის ნაკრებმა იპირველა. ტურნირის ფინალურ შეხევედრაში მექსიკელებმა მასპინძლები 4:2 დაამარცხეს, თუმცა კი მატჩის მსვლელობისას 0:2-ს აგებდნენ.
ვინც ამ მატჩს თვალი მიადევნა, დაგვეთანხმება ალბათ, რომ შეხვედრის მშვენება ჯოვანი დოს სანსოტის მიერ გატანილი ბოლო გოლი გახდა. ექს-ბარსელონელმა მეტოქის საჯარიმოში ამერიკელთა მეკარე და დაცვა გააბითურა და მობილიარდის სიზუსტით ჩასვა ბურთი მცველსა და ძელს შორის დარჩენილ პატარა სივრცეში. "ოქროს თასის" საუკეთესო ბომბარდირი ასევე მექსიკის წარმომადგენელი, "მანჩესტერ იუნაიტედის" ახალგაზრდა "ვარსკვლავი" ხავიერ ერნანდესი, იგივე ჩიჩარიტო გახდა, რომელსაც იმის მიუხედავად, რომ გადამწყვეტ მატჩში თავი არ გამოუჩენია,, 7 გოლი მაინც დაუგროვდა და კონკურენტებს მნიშვნელოვანი უპირატესობით აჯობა. აღსანიშნავია, რომ მექსიკამ კონკაკაფის ქვეყნის ჩემპიონატის, რომელიც 1961 წლიდან ტარდენა, ამ ტრიუმფის ჩათვლით უკვე მეცხრედ მოიგო. | |
|
| |
| სულ კომენტარები: 0 | |
